И иако најромантичните веруваат дека срцето има водечка улога во секоја љубовна врска, во реалноста сè започнува од мозокот.
Мажите се заљубуваат побрзо од жените
Според повеќе истражувања, на мажите им требаат просечно 88 дена (околу три месеци) за да ја искажат својата љубов, додека на жените во просек 134 дена (четири и пол месеци). Во истражувањата се наведува и дека 39% од мажите велат „те сакам“ во рок од еден месец. Процент кај жените пак достигнува само 23%.
Љубовта како „дрога“
На почетокот на врската, мозокот произведува многу високи нивоа на фенилетиламин (ПЕА). Овој природен амфетамин е она што ве тера да кажете дека сте „лудо заљубени“ и зошто љубовта предизвикува зависност од партнерот. Оттука потекнуваат чувствата на радост, зголемена енергија и возбуда на почетокот на врската. А според научниците, љубовта ги предизвикува токму истите неврохемиски реакции во мозокот како оние предизвикани од дрога. Тоа е затоа што новата романтична врска го обзема центарот за „награда“ на мозокот, што резултира со општа еуфорија.
Кога ќе се заљубите, вашите стравови се намалуваат
Да се биде вљубен, исто така, ги исклучува функциите од мозокот кои го контролираат општественото расудување и стравот. Поради ова, заљубените парови можат да ја истакнуваат својата љубов на кој било начин.
Го губите чувството за времето
Ако сте биле будни цела ноќ со телефонот во рака, разговаравте или праќајќи пораки на партнерот, бевте на состанок кој на крајот траеше до раните утрински часови… точно знаете на што мислиме. Според психологијата, тоа често се случува кога ќе почнеме да се заљубуваме. Невротрансмитерот норепинефрин се зголемува, поради што губите чувство за времето. Во комбинација со допамин и окситоцин, се создава врвна љубовна напивка која прави времето да тече како вода.
Извор: prva.rs
