Покрај различните лекови и методи кои се користат за елиминирање на несоницата, постојат различни намирници кои можат да помогнат полесно да се заспие. Тие влијаат на одредени хормони, кои се поврзани со спиењето.
Најпрво треба да се отстрани стресот, бидејќи тој е еден од факторите за несоница, бидејќи кога нашето тело е под стрес, тоа произведува поголеми количества кортизол – хормон кој не држи будни и напнати. Хроничниот стрес може да го наруши деноноќниот ритам и да ни го отежни заспивањето.
Врз квалитетот на сонот може да влијае и конзумирањето на тешки оброци, кофеин или алкохол пред спиење. Храната богата со масти и зачини може да предизвика варење, додека кафето и алкохолот може да го нарушат природниот ритам на спиење и будност.
И менталните нарушувања, како што се анксиозноста, депресијата или биполарното растројство, може значително да влијаат на квалитетот на сонот. Луѓето кои страдаат од овие состојби често се борат со немирен сон и тешкотии при заспивање.
Добриот сон може да го пореметат и промените во работните смени, како што се ноќните смени, но и одредени органски болести, како што се хронична болка или респираторни нарушувања, хормоните.
Затоа нутриционистите препорачуваат храна која помога за полесно заспивање, како што се вишните, авокадото, леблебијата, јајцата и одредени чаеви.
Вишни
Вишните се богати со мелатонин, хормон кој телото го произведува природно и кој е неопходен за спиење. Едно истражување покажа дека нивото на мелатонин се зголемило кај учесниците кои пиеле сок од вишна, што довело до подобрување на квалитетот на сонот и времетраењето на сонот. Покрај природниот сок од вишни можете да изедете и неколку свежи вишни пред спиење.
Авокадо
Сложените јаглехидрати во комбинација со здрави масти и протеини влијаат на квалитетот на сонот. Имено, јаглехидратите го поттикнуваат ослободувањето на серотонин, кој всушност се претвора во мелатонин во епифизата на мозокот, додека протеините и мастите влијаат на стабилизирање на шеќерот во крвта. Авокадото е една од многуте здрави намирници богати со масти, која ви препорачувам да ја вклучите во вашите оброци.
Наут – леблебија
Наутот припаѓа на сложени јаглехидрати, кои можат да го стимулираат производството на серотонин. Покрај тоа, содржи и високо ниво на магнезиум, за кој е докажано дека поддржува длабок сон преку одржување на здрави нивоа на ГАБА невротрансмитери кои влијаат на релаксација на телото.
Јајца
Јајцата содржат значителна количина на мелатонин, кој може да ви помогне да заспиете побрзо и да спиете подолго, како и Л-орнитин, аминокиселина за која е докажано дека помага во подобрување на квалитетот на сонот. Измешајте ги јајцата со некој лесен вид зеленчук и секако дека не треба да се претерува со количина.
