Search

Хакери наводно украле 440.000 билети за концерти на Тејлор Свифт во вредност од 22 милијарди долари

Фановите на Тејлор Свифт беа загрижени за прекин на концертите откако хакери, наводно поврзани со групата ShinyHunters, тврдеа дека добиле податоци за баркодовите за стотици илјади билети за турнејата Ерас. Изнудувачите, кои работат под името Sp1d3rHunters, објавија примероци од податоците на онлајн форум, вклучувајќи детали за билетите за концертите на Свифт во Мајами, Индијанаполис и Њу Орлеанс.

Групата тврди дека поседува баркодови за 30 милиони дополнителни билети за други големи концерти и спортски настани. Хакерите бараат 2 милиони долари од Ticketmaster за да спречат понатамошни протекувања.

„Платете ни 2 милиони американски долари или ќе ги откриеме сите 680 милиони информации од вашите корисници и уште 30 милиони баркодови за настани, вклучувајќи: повеќе настани на Тејлор Свифт, P!nk, Sting, спортски настани F1 Formula Racing, MLB, NFL и илјадници други настани“, се вели во барањето за изнуда од хакерите.

Компанијата Ticketmaster ја отфрли можноста за такво нешто и соопшти дека нивната технологија за издавање билети користи динамични баркодови кои се рефрешираат на неколку секунди.

„Технологијата SafeTix на Ticketmaster ги штити билетите со автоматско освежување на нов и уникатен баркод на секои неколку секунди за да не може да биде украден или копиран“, изјавија од Ticketmaster за BleepingComputer. „Ова е само една од многуте заштити од измами што ги спроведуваме за да ги одржуваме билетите безбедни“.

Експертите за сајбер безбедност се согласија со изјавата, велејќи дека протечените информации нема да дозволат никому да создаде валиден баркод.

„Ако одржувате настани од големината и обемот на турнејата Ерас, нема да му олесните на некој само да добие пристап до базата на податоци и потоа да може да создаде лажен билет“.

Ticketmaster негира дека се занимавалe со изнудувачите, отфрлајќи ги тврдењата за понуда за откуп од 1 милион долари.

Ова не е прв сајбер напад насочен кон турнејата на Свифт. Во февруари, хакери ја нарушија австралиската компанија за билети Ticketek, компромитирајќи ги билетите за турнејата Ерас.

Извор: https://www.computing.co.uk/news/4333212/hackers-leak-barcode-taylor-swift-tickets

Најново

Последни колумни