Ен Хатавеј стана мајка по трет пат

Актерката и нејзиниот сопруг Адам Шулман го добија третото дете, кое им се придружи на синовите Џонатан и Џек
Фото: Jay Dixit, CC BY-SA 4.0, via Wikimedia Commons

Американската актерка Ен Хатавеј (43) и нејзиниот сопруг Адам Шулман го добија своето трето дете. Веста за породувањето ја потврдија извори блиски до семејството за магазинот „Пипл“ (PEOPLE) и порталот „Ти-ем-зи“ (TMZ), откако двојката во јуни годинава јавно објави дека очекува принова по 14 години брак.

Новото бебе во семејството им се придружува на постарите браќа, десетгодишниот Џонатан и шестгодишниот Џек. Актерката и продуцентот и дизајнер на накит Адам Шулман се во брак од 2012 година, а јавноста за третата бременост дозна на 19 јуни преку видео објавено на нејзиниот профил на Инстаграм.

Хатавеј ја чуваше бременоста во тајност за време на меѓународната промотивна турнеја за продолжението на филмот „Ѓаволот носи Прада“ (The Devil Wears Prada 2). Извор близок до актерката изјави за „Пипл“ дека таа сакала вниманието на јавноста да остане фокусирано на филмскиот проект и дека одлучила сама да го избере моментот кога ќе ја сподели личната вест.

На видеото од јуни таа се појави во бел фустан со песната „Baby I’m Yours“ од Барбара Луис во заднина, покажувајќи го трудничкиот стомак со краток опис под објавата. Пред тоа, ниту нејзините претставници ниту членовите на семејството не коментираа за проширувањето на семејството.

Во октомври, гостувајќи во емисијата „Си-би-ес морнингс“ (CBS Mornings) по повод психолошкиот трилер „Верити“ (Verity), Хатавеј зборуваше за последните недели пред породувањето и за начинот на кој нејзините синови се подготвуваат за промената дома. Таа истакна дека со сопругот се трудат максимално да ги искористат последните мигови како четиричлено семејство.

„Сè ќе се промени за нас, но навистина ќе се промени и за нашите деца. Заедно сме пред еден убав праг. Само уживам во тоа како изгледа оваа наша заедница, бидејќи моите деца се повозрасни, имаат десет и речиси седум години, па подолго време функциониравме во овој состав“, изјави Хатавеј во интервјуто.


При гостувањето во ноќното шоу на Сет Маерс, актерката отворено зборуваше и за изненадувањето кога дознала дека повторно е бремена. Таа со смеа објасни дека таа и Шулман биле пријатно шокирани од веста, нарекувајќи го новото бебе нивен „поен во последната секунда“.

е-Трн да боцка во твојот инбокс