Американските безбедносни служби извеле тајна операција за префрлање на претседателот Доналд Трамп на воен авион за време на неговиот престој во Анкара, откако била детектирана сериозна иранска закана за неговата безбедност, објавија Американските медиуми. За да го прикријат неговото вистинско движење при заминувањето од НАТО самитот во Турција, агентите го одвеле Трамп до вториот авион со камион за храна, додека новинарите и дел од персоналот дека патувале со официјалниот Еир Форс Уан.
Операцијата се случила за време на НАТО самитот во Турција. Трамп првично се качи во постариот модел на Еир Форс Уан пред ТВ камерите, за само неколку минути подоцна тајно да биде префрлен во друг, помал воен авион од типот C-32A со помош на аеродромски камион за кетеринг.
🚨 WOW! President Trump outsmarted Iranian threats in Turkey by jumping in a CATERING TRUCK to swap planes when the world thought he was on the legacy Air Force One
— Nick Sortor (@nicksortor) August 11, 2026
This is a JAMES BOND-style mission
Per reports, President Trump boarded Air Force One in Turkey, while a Secret… pic.twitter.com/7QrZb7ChLw
Неговото вистинско движење било скриено дури и од новинарите што го следеа. На новинарската екипа во авионот им било наредено да ги чуваат ролетните на прозорците спуштени во текот на целиот лет. Кога подоцна го прашаа за причината, Трамп кусо одговори дека тоа било за нивна безбедност за време на „опасен лет“.
Пред заминувањето од Турција, Трамп на Truth Social соопшти дека ќе го користи постариот авион „од сентиментални причини“, додека новиот 747-8, дониран од Катар, ќе запре во Британија за да го разгледаат американските војници. Меѓутоа, американски официјални лица потврдија дека вистинската причина за тактичката измама била веродостојна закана поврзана со Иран, чија граница се граничи со Турција.
Авионот C-32A со Трамп слетал во базите во Велика Британија во 22:20 часот по локално време, а неколку минути подоцна пристигнал и постариот Еир Форс Уан со новинарите.
Од Белата куќа потврдија дека се користат сите достапни безбедносни протоколи кога постојат закани по животот на претседателот.
How Trump hid in catering cart to board secret flight after Iran threat #trump #worldnews #usnews #plane #politics pic.twitter.com/Dt8TMmz9Lf
— The Independent (@Independent) August 11, 2026
„Како што изјави претседателот неодамна, постојат многу непријатели на Америка кои го имаат на нишан. Го користиме секој инструмент што ни е на располагање за да се справиме со тие закани“, изјави директорот за комуникации Стив Чунг.
Слична тактика со користење на друг авион како декој претходно беше употребена и во 2000 година, кога Бил Клинтон тајно леташе за Пакистан во необележан млазен авион.
