Германскиот автомобилски гигант BMW се соочува со нов бран економски притисоци откако наглиот пад на продажбата во Кина, нивниот клучен пазар, доведе до планови за драстично намалување на трошоците.Според интерни процени, околу 7.500 работни места би можеле да бидат загрозени, што претставува дел од поширока стратегија за реструктурирање и зголемување на ефикасноста.

Компанијата, која глобално вработува над 150.000 луѓе, веќе бележи тренд на намалување на работната сила, а најголем товар се очекува да падне врз фабриките во Германија и Кина.

Иако засега нема најави за масовни директни отпуштања поради постојните колективни договори, аналитичарите предупредуваат дека најавените „еднократни трошоци“ од околу една милијарда евра сигнализираат подлабоки структурни промени во компанијата.

Ситуацијата укажува на пошироки проблеми во автомобилската индустрија, особено во контекст на забавување на побарувачката и глобалната конкуренција.