Украинските одбранбени сили изведоа успешен напад со долг дострел врз нафтената рафинерија во Новокујбишевск, лоцирана на 1.000 километри од линијата на фронтот, соопшти украинскиот претседател Володимир Зеленски. Операцијата во Самарската област има за цел директно намалување на руските извозни приходи од енергенси и ограничување на воениот потенцијал на Москва. Во истото деноноќие биле погодени и логистички центар во Самара и цели во Црното Море.

Ukrainian long-range sanctions continue to limit Russia’s military and economic potential, ensuring the aggressor state feels the impact of the war more directly.

Over the past 24 hours, our forces struck the Novokuybyshevsk refinery—1,000 kilometers from the front… pic.twitter.com/Co2J4WGvvi

— Volodymyr Zelenskyy / Володимир Зеленський (@ZelenskyyUa) August 22, 2026

Нападот врз постројката во Новокујбишевск претставува дел од украинската стратегија за далечински притисок врз виталната економска инфраструктура на Русија. Според Зеленски, рафинеријата обезбедува милионски извозни приходи за рускиот буџет, поради што нејзиното оштетување директно ја засега логистиката на воените операции. Освен рафинеријата, украинските сили таргетирале и логистички центар во истата област, како и воени позиции во Црното Море.

Киев објави и потврдени резултати од претходно изведените далечински операции. На воениот аеродром Саки на Крим е уништен руски борбен авион Су-24М заедно со четири единици аеродромска опрема. Во Брјанската област биле елиминирани репетиторски станици за контрола на дронови. Со уништувањето на тие станици, според изјавата на Зеленски, директно се отежнува водењето на руските беспилотни летала кон цивилните населби во Украина.