Околу 260.000 жители на јапонските префектури Кагошима и Окинава добија наредба за итна евакуација поради приближувањето на тајфунот Делфин. Невремето донесе сообраќаен хаос, откажување на стотици летови и прекин на производството во девет фабрики на автомобилскиот гигант Тојота. Јапонската метеоролошка агенција предупреди на опасни удари на ветерот и ризик од обилни поплави.

#Typhoon #Dolphin has made a direct hit, maybe landfall in Yoron as a category 2 typhoon with winds reaching 100 mph (160 km/h) and pressure down to 938 mb- from Yolan airport, experiencing sustained typhoon force winds and Northern Okinawa, #Japan🇯🇵 getting typhoon force gusts. pic.twitter.com/QotywFsfBv

— Skellitor Titan (@Skellitor_Titan) August 7, 2026

Тајфунот од прва категорија се движи кон синџирот острови меѓу регионот Кјушу и префектурата Окинава, носејќи постојана брзина на ветерот од 144 километри на час, со силни удари кои достигнуваат и до 198 километри на час. Поради силното невреме и заканата од оштетување на инфраструктурата, компанијата Тојота привремено ги затвори вратите на девет свои погони. Во меѓувреме, авиокомпаниите откажаа повеќе од 500 летови, што целосно го блокираше воздушниот сообраќај во овој регион.

Getting raked by back end of typhoon Dolphin now in N Okinawa pic.twitter.com/qD4gXNeXZL

— James Reynolds (@EarthUncutTV) August 7, 2026

Метеоролозите предупредуваат за можна појава на таканаречен линеарен појас на дожд, тесна зона на интензивни врнежи со грмотевици што може за кратко време да предизвика катастрофални поплави и свлечишта. Невремето веќе зафати голем дел од островот Кјушу, вклучително и префектурата Кумамото, која сè уште се опоравува од минатонеделниот земјотрес со јачина од 7,1 степени. Околу 6.700 жители на Кумамото, чии домови беа оштетени во земјотресот, сè уште престојуваат во центри за евакуација, а властите дополнително предупредуваат и на опасност од топлотен удар бидејќи температурите се искачуваат до 36 степени Целзиусови.