Најмалку седум лица загинаа, а повеќе од десет се повредени во стампедо што избувна синоќа пред познат храм во индиската сојузна држава Бихар. Трагедијата се случила за време на верски празник, кога илјадници верници се собрале пред објектот да оддадат почит, по што дошло до метеж и паника на влезот од храмот.
🚨Ashok Dham Stampede Explained: What Triggered the Crush That Killed 7 People in Bihar? #Bihar #India https://t.co/6PWVgpiMQf https://t.co/XiDRvy7qWy pic.twitter.com/Lm5wdRJOK6
— ⚡️🌎 World News 🌐⚡️ (@ferozwala) August 17, 2026
📍Two trains reportedly delivered a sudden wave of pilgrims; a barricade buckled & rumours of a…
Инцидентот се случил во храмот Сидхешвар Нат во областа Јеханабад, каде голем број верници се собрале по повод верскиот празник Поволeн Сомвар. Според првичните информации од локалните власти, паниката започнала по расправија меѓу посетителите и локалните продавачи пред самиот влез на храмот, по што толпата почнала да се турка.
Полициските и медицинските екипи веднаш пристигнале на местото на настанот за да им помогнат на повредените и да ја контролираат ситуацијата. Претставници на локалната администрација потврдија дека повредените се пренесени во блиските болници, од кои неколкумина се во критична состојба. Властите започнаа истрага за да се утврдат сите околности и евентуалните пропусти во организацијата на собирот.
