Сплит од денеска воведува строга забрана за продажба на алкохолни пијалаци по 21 часот во сите трговски објекти во центарот на градот. Одлуката на градските власти е директен одговор на неколкугодишните поплаки од локалното население за нарушен јавен ред и мир, бучава и вандализам предизвикани од бројните туристи. Новата мерка важи за сите продавници и маркети во старото јадро, додека угостителските објекти продолжуваат со работа под вообичаените услови.
Градскиот совет ја донесе мерката за да ги спречи туристите да купуваат евтин алкохол од продавниците и да организираат пијанства на отворено низ историските улици. Новата регулатива предвидува строги контролни механизми и високи парични казни за сите трговци кои нема да ги почитуваат новите правила.
Забраната важи секој ден од 21 часот навечер до 5 часот наутро. Инспекциските служби и комуналните редари ќе вршат засилени контроли на терен во текот на целата летна сезона.
Новите ограничувања не се однесуваат на рестораните, баровите и кафулињата каде алкохолот и понатаму може да се послужува согласно нивното работно време. Целта на градот не е целосна забрана за консумација, туку прекинување на праксата за масовно пиење по јавни површини, паркови и пред историските споменици.
Сплит со години се бори со последиците од масовниот младински туризам. Локалните жители секојдневно реагираат на бучавата, искинатите урбани опреми и нередот што останува секоја утро во центарот на градот.
Оваа одлука е само еден чекор од пообемниот план на градската администрација за воведување ред во туристичкиот сектор. Претходно беа воведени високи казни за одење по бикини или без маица низ центарот, како и за консумирање алкохол на јавни места.
Градските власти порачуваат дека Сплит останува отворен за сите посетители, но дека почитувањето на локалната заедница и културното наследство мора да биде приоритет за сите гости.
