Netflix објави дека ќе работи на телевизиска адаптација на популарниот серијал љубовни романи Twisted Love, авторка Ана Хуанг. Netflix ги откупи правата за адаптација на овој серијал, како и на останатите романи во серијата кои се објавени во следниот редослед: Twisted Games, Twisted Hate и Twisted Lies.
Како што пренесува Variety, според описот на проектот, серијата ќе биде „жешка приказна за возрасни која ги следи животите на четири најдобри пријателки и нивните мистериозни љубовни интереси, оптеретени со темни тајни од минатото, додека ги надминуваат пречките кои ги раздвоија и наоѓаат љубов“.
Адаптацијата на овој серијал, кој стана особено популарен на BookTok, заедницата на љубители на книги на TikTok, привлекла големо внимание. Прегледите на серијалот надминаа две милијарди на платформата. Првата книга од серијалот беше објавена во 2021 година, а како што пренесува Variety, сите книги од серијалот Twisted до денес се продадени во повеќе од 12 милиони примероци.
Првата книга, Twisted Love, беше на листата на бестселери на New York Times 60 недели, а правата за преводи се продадени во 34 земји.
