Овој пат нема да зборуваме за самиот секс, вештините и долната облека, туку за факторите кои ги иритираат мажите пред да започне сексот.
Нејзиниот сјај за усни е толку леплив што се чувствувам како да бакнувам лепак.
Јасно е дека ние девојките сакаме кармини, балсами и сјаеви за усни. Но, кога сте во кревет со партнерот, прескокнете го сјајот за усни. Не само што некои од сјаевите имаат непријатен вкус, туку можат да бидат и многу лепливи, што може да биде многу непријатно, особено за мажите кои обично немаат ништо на усните.
Нејзиниот парфем е толку силен што го замириса целиот стан.
Дури и ако не можете да почувствувате колку е силен вашиот парфем, не прскајте го премногу по целото тело. Доволно е само помалку парфем овде-онде, за да го помирисаат само оние кои се оддалечени неколку сантиметри од вас. Исто така, можеби вашиот партнер не го сака парфемот или е многу силен и вознемирувачки, па навистина е подобро да го користите во мали дози.
Кога нејзиното тело е мачкано со масло, толку е лизгаво што не можам ни да ја фатам.
Дури и ако имате сува кожа, пред да одите на спиење не користете масло. Маслата потешко се апсорбираат и можат да бидат многу лизгави за разлика од млеката и лосиони за тело.
Нејзината шминка е насекаде, на мене и на чаршафите што ги сменив вчера.
Одредени кармини се мрсни и имаат непријатен вкус на усните на вашиот партнер. Освен тоа, шминкањето за во кревет и штети на вашата кожа. Не заборавајте дека шминката остава траги и на него и на постелнината. Ако веќе не можете без шминка, обидете се да користите козметички производи кои се сметаат за водоотпорни и не оставаат никаква трага. Партнерот ќе ви се заблагодари.
Извор: svet.rs
