Според податоците на Евростат, во рамките на Европската Унија, граѓаните на Ирска во 2023 година имале најголема куповна моќ, додека најнискиот животен стандард е забележан во Бугарија.
Бруто домашниот производ (БДП) по жител, мерен според стандардите на куповна моќ (PPS), во Европската Унија во 2023 година изнесувал 38.100 PPS, што е пораст во однос на 36.000 PPS во 2022 година.
Стандардот на куповна моќ (PPS) е вештачка валутна единица што се користи за реално споредување на економските показатели меѓу државите, бидејќи ги неутрализира разликите во цените.
Најбогати региони во Европа
Ирските региони Даблин (139.500) и Југозапад (137.300) забележале највисоко ниво на БДП по жител во Европа.
Покрај Ирска, куповната моќ далеку над европскиот просек е забележана и во:
- Париз (126.900 PPS),
- Луксембург (90.300 PPS),
- Прага (73.500 PPS),
- Брисел (72.700 PPS).
Според податоци од 2022 година, германскиот регион Волфсбург имал 136.500 PPS, што исто така е меѓу највисоките во Европа.
Најсиромашни региони во ЕУ
Во рамките на ЕУ, најниски вредности на БДП по глава на жител (коригирано за инфлација) имаат:
- Бугарските региони Хасково (11.100 PPS) и Силистра,
- Романскиот регион Васлуј (12.200 PPS),
- Францускиот прекуокеански регион Мајот (остров во Индискиот океан) – 10.500 PPS.
Најниска куповна моќ во Европа – во Албанија
Албанскиот град Леш (Lješ) има најниска куповна моќ во цела Европа – само 7.200 PPS.
Бруто домашниот производ (БДП) ја претставува вкупната парична вредност на економската активност во една земја за определен временски период и се користи за мерење на економскиот раст и споредба меѓу државите.
