Поводот за оваа реакција е воената операција насочена кон воздухопловната база Абу ал-Духур во регионот Идлиб, за што Ссветската организација побара итен прекин.

Портпаролот на генералниот секретар на ОН, Стефан Дижарик, изјави дека ваквите воени акции внесуваат дополнителна нестабилност во веќе напнатиот регион. Според него, постојаното нарушување на сирискиот територијален интегритет мора веднаш да запре бидејќи носи ризик од поширока ескалација.

Покрај случувањата во Сирија, ОН предупредуваат и на сериозно влошување на хуманитарната и безбедносната ситуација на окупираните палестински територии. Во близина на бегалскиот камп Нур Шамс кај Тулкарм, израелските сили принудно евакуираа десет семејства. При воените дејствија и користењето тешка механизација, оштетени се клучни делови од локалната водоводна и канализациска мрежа.

Тешка останува и состојбата во Појасот Газа, каде што пристапот до ресурси е максимално ограничен. Проценките на хуманитарните агенции при ОН покажуваат дека во овој момент е достапно и неоштетено само три отсто од вкупното земјоделско земјиште, што дополнително ја отежнува прехраната на населението.