Висок ирански воен функционер предупреди дека нов судир со Соединетите Американски Држави е реална можност, откако претседателот Доналд Трамп го отфрли најновиот мировен предлог на Техеран. Бригадниот генерал Мохамад Џафар Асади, портпарол на иранскиот воен штаб, изјавил дека „доказите покажале дека САД не се придржуваат до никакви ветувања или договори” и дека за американскиот непријател се подготвени „изненадувачки мерки”.
Паралелно, Иран испрати јасна порака и за Ормускиот Теснец, стратешкиот пловен пат низ кој поминува значителен дел од светскиот нафтен транспорт. Морнарицата на иранската Револуционерна гарда потврди дека теснецот ќе остане под целосна иранска контрола, нарекувајќи го „извор на безбедност и просперитет за регионот”.
Овие изјави доаѓаат директно како одговор на барањата на Трамп кој од прогласувањето на примирјето минатиот месец повеќепати инсистирал на слобода на пловидба низ Хормуз. Иранската страна цврсто останува на ставот дека тоа нема да се случи.
Трамп вчера пред новинарите во Белата куќа рекол дека „не е задоволен” со иранскиот предлог и дека Техеран „бара работи на кои не може да се согласи”, без да ги прецизира конкретните спорни точки. Дипломатската ќорсокак меѓу двете земји со ова дополнително се продлабочи.
