Поранешниот гувернер на Калифорнија во петокот во неговата канцеларија во Санта Моника ги пречека роднините на израелските заложници кои се уште се држат во Газа од страна на Хамас, како и преживеаните од нападот во октомври.
Ѕвездата на познатиот филм Терминатор емотивно зборуваше за случувањата во Газа и го осуди антисемитизмот минатиот месец – тој рече дека нападот без преседан не наликува на ништо што некогаш го видел во неговиот живот и ја изрази својата поддршка за Израел.
![](https://trn.mk/wp-content/uploads/2023/12/whatsapp-image-2023-12-06-at-09.22.00-1.jpeg)
Шварценегер на членовите на семејствата на израелските заложници им подари статуи од бронзени орли. После средбата тој изјави дека сака да шири мир затоа што тоа е помоќно од целата омраза и гнев.
Ела Шани (14) беше меѓу преживеаните кои отпатуваа од Израел до Санта Моника за да се сретне со Арнолд… таа раскажа како нејзиниот татко бил убиен на 7 октомври од страна на терористите на Хамас, и како нејзиниот 16-годишен братучед бил киднапиран.
Ела вели дека нејзиниот братучед се криел во безбедна соба во неговиот дом кога Хамас го запалиле местото и ја скршиле вратата. Таа вели дека на нејзината роднина и на уште двајца израелски мажи од соседна куќа им било наредено да влезат во автомобил со што биле киднапирани и однесени во Газа.
Додека Ела зборуваше за она што го преживеалата , Арнолд не успеа да ги задржи своите
емоции …на крајот се прегрнаа.
Средбата беше организирана од Музејот на толеранција Ерусалим – со кој Арнолд е партнер повеќе години .