Рускиот претседател Владимир Путин изјави дека смета оти војната во Украина се приближува кон крајот. Руската инвазија врз Украина во 2022 година ја предизвика најсериозната криза во односите меѓу Русија и Западот од Кубанската ракетна криза во 1962 година, кога светот стравуваше дека се наоѓа на работ на нуклеарна војна.
„Мислам дека работите се движат кон крај“, изјави Путин пред новинарите, коментирајќи ја војната во Украина.
„Фајненшл тајмс“ во четвртокот објави дека лидерите на Европската Унија се подготвуваат за можни преговори. На прашањето дали е подготвен да преговара со европските лидери, Путин одговори дека за него најприфатлива личност за разговори би бил поранешниот германски канцелар Герхард Шредер.
Кремљ: Европа треба да го направи првиот чекор
Од Кремљ минатата недела порачаа дека европските влади треба први да иницираат контакт, бидејќи токму тие ги прекинале односите со Москва во 2022 година, по почетокот на војната во Украина. Путин зборуваше во Кремљ по воената парада по повод Денот на победата, која годинава беше оценета како една од најслабите во последните години.
Русија секоја година на 9 мај го одбележува Денот на победата над нацистичка Германија во Втората светска војна, при што им оддава почит на околу 27 милиони советски граѓани загинати во војната. Но, според Ројтерс, победата што Москва ја очекуваше во Украина сè уште останува недостижна.
Војната остави стотици илјади жртви
Во текот на четирите години од најсмртоносниот европски конфликт по Втората светска војна, руските сили досега не успеале целосно да го заземат регионот Донбас во источна Украина, каде украинските сили се повлекоа кон утврдени градски линии на одбрана. Војната однесе стотици илјади животи, уништи големи делови од Украина и дополнително ја исцрпи руската економија вредна околу три билиони долари.
Воедно, односите меѓу Русија и Европа се на најниско ниво уште од најтензичните периоди на Студената војна.
На прашањето за украинскиот претседател Володимир Зеленски, Путин изјави дека средба со него е можна дури по постигнување траен мировен договор. „Таква средба може да се случи само кога ќе биде постигнат стабилен мировен договор“, порача
