Турнејата започнува на 15 април во Глазгов, а завршува на 28 април во Даблин, со станици во Манчестер, Бирмингем, Кардиф, Борнмут, Лидс и Белфаст. Врвот ќе бидат два спектакуларни концерти во OVO Arena Wembley, на 24 и 25 април.
Carl Cox ќе миксува винл треки со класичен хардкор рејв звук и модерна електроника. Во најавата се вели – „очекувајте чист хаос“.
Carl Cox:
„Навистина сакам да работам со оваа екипа. Последен пат кога настапивме заедно пуштав хардкор рејв на три грамофони – и повторно ќе го направам тоа. Комбинација од стари вибрации и нови траки. Едвај чекам. Carl Cox и The Prodigy повторно заедно – за тотално уништување на танц подиумот!“
Liam Howlett (The Prodigy):
„Го враќаме целиот оној хаотичен енергетски пакет – бучава, ритми, од отворање врати до последниот излез од салата. Ќе биде класичен Prodigy неред со нови траки. И, секако, нашиот стар пријател Carl е со нас – очекувајте напад со полна сила, фактор 9. LET’S GO!“
The Prodigy ќе настапат и на Glastonbury Festival на 29 јуни на бината The Other Stage во 21:45 по британско време. Претходно оваа година, настапија на Coachella и имаа прв самостоен концерт во Северна Америка по 2017 година – во Сан Франциско.
Carl Cox неодамна го реактивираше својот техно лејбл Intec и започна нова резиденција на Ибица – [UNVRS], која ја опишува како „целосно нов свет“.
