Пожарите во јужна Калифорнија кои започнаа на 7 јануари сè уште траат, бидејќи ова подрачје се соочува со силни ветрови. До сега, шумските пожари резултирале со најмалку 25 смртни случаи и принудиле повеќе од 180.000 жители да бидат евакуирани. Оштетени се повеќе од 12.500 објекти во налетот на пожарот во Итон во областа Алтадина, Кенет во квартот Вест Хилс и Хурст.
Најразорен беше пожарот во областа Палисајдс, не само затоа што уништил скоро 6000 објекти, туку и затоа што оваа област беше дом на многу познати личности на Холивуд. Последниве десетина дена светот уште еднаш беше сведок дека сите се исти во несреќа. Пожарите не правеле селекција, така што голем број на славни личности ги изгубиле своите домови.
Мел Гибсон
Мел Гибсон дознал дека неговиот дом е загрозен пред влегувањето во познатата подкаст арена на Џо Роган, но дури по подкастот дознал дека не бил меѓу ретките среќници чии куќи останале недопрени. За разлика од другите холивудски ѕвезди, ова беше неговиот примарен дом, во кој ги поминал последните 15 години. Вилата вредна повеќе од 15 милиони долари беше целосно уништена во пожарот во Палисајдс.
Во пепелта останал само сефот, во кој исто така сè било изгорено. Двојниот оскаровец сепак ги зачувал своите два највредни трофеи кои среќно не биле лоцирани во Малибу, додека остатокот од наградите биле уништени, заедно со бројни антикврани книги од 16. век, уметнички дела и слики кои беа негови пасии.
Били Кристал и Џеф Бриджис
Глумецот Били Кристал и неговата сопруга Џенис исто така останале без дом во пожарот во Пасифик Палисајдс. Куќата во која поминале фактички половина век (46 години), Били Кристал ја купил за само 400.000 долари во 1979 година, пред булеварот Чаутаука да стане ексклузивна област на славни личности. Неколку недели пред пожарот, нивната куќа била проценета на девет милиони долари.
Звездата на филмовите „Кога Харри сретна Сали“, „Before“, „City Slickers“, „The Princess Bride“, „Analyze This“ бил еден од најомилените жители на Палисајдс, а исто така бил и почетен градоначалник на оваа област.
Џеф Бриджис, веројатно најавтентичниот глас на Холивуд, глумецот од филмот „The Big Lebowski“, го изгубил домот на своите родители, кој го делел со братот и сестрата.
Четирисобна резиденција, која припаѓала на семејството Бриджис со генерации, била уништена, а како утеха останал неговиот дом во Санта Барбара, кој го дели со сопругата Сузан Гестон.
Ентони Хопкинс
Огнената стихија не го заобиколила ни Ентони Хопкинс. Домот на овој велшки глумец, кој на 31 декември наполнил 87 години, изгорел до темел, што можеше да се види на многу фотографии објавени на социјалните мрежи. Само неколку бетонски столбови, по неколку остатоци од изгорени дрва и камена патека беа она што останало од некогашниот дом, кој имаше четири спални соби и пет бањи.
Џон Стивен Гудман
Гудман, ѕвезда на филмовите „Roseanne“, „The Big Lebowski“, „The Flintstones“, исто така го изгубил својот дом во овие пожари.
Други познати личности
Многу други славни личности, како Парис Хилтон, Тина Ноулс, Адам Броуди, Мајло Вентимилија, Рози О’Донел, Спенсер Прат, Хајди Монтаг, Ана Ферис, Денис Крозби и многу други останаа без своите домови.
