Иран се соочува со најдолг целосен прекин на интернет во историјата на современите мерења, соопшти организацијата NetBlocks, пренесува CNN. Според податоците, прекинот трае 37 дена (864 часа), што го прави најдолгиот национален интернет-колапс досега регистриран во која било држава.
Прв ваков случај во светот
NetBlocks наведува дека Иран е првата земја која била целосно поврзана на глобалниот интернет, а потоа речиси целосно преминала на затворена национална мрежа.
За разлика од него, земји како Северна Кореја никогаш не биле целосно интегрирани во глобалната интернет-мрежа.
Интернет како средство за контрола
Иранските власти речиси целосно го блокирале пристапот до интернет по почетокот на ескалацијата на конфликтите со САД и Израел, со цел да го ограничат протокот на информации.
Прекинот се случува во период на засилени воени операции и обиди за контрола на информацискиот наратив во земјата, при што паралелно се одвиваат и безбедносни операции на терен. Ова не е првпат Иран да го исклучи интернетот – слични мерки беа применети и за време на претходни протести и политички немири.
