Овој вид многу ретко се гледа, а најчесто кога ќе умре и ќе го исфрли на брегот од морето по бура, пишува Гардијан.
Роберт Хејс, кој бил на плажа во Калифорнија со својата сопруга, снимил долга, рамна, треперлива риба штом ја видел во водата.
Како што раскажал, иако никогаш претходно не ја видел, веднаш го препознал видот, кој често се нарекува „риба на судниот ден“, бидејќи, според народното верување, може да предвиди природни катастрофи.
A deep-sea creature rarely seen by humans called the oarfish has washed ashore in Mexico!
— FearBuck (@FearedBuck) February 18, 2025
Legend has it that this mysterious “doomsday fish” only emerges from the ocean’s depths when disaster is near 👀
pic.twitter.com/NciJ7jbEbo
Според Хејс, се чини дека рибата е повредена, па ја однеле кај експерт по морска биологија.
Примерокот виден овој пат беше релативно мал, бидејќи видот во просек е долг над три метри.
Најдолгата ваква риба некогаш видена била долга 11 метри, покажуваат податоците на Природонаучниот музеј на Флорида.
Овој вид риба е забележан во водите на Калифорнија три пати во текот на изминатата година, а научниците нејзиниот почест изглед го припишуваат на променливите услови во океаните.
Според јапонскиот фолклор, оваа риба се смета за предвесник на судниот ден, иако историчарите ја оспоруваат теоријата дека може да предвиди земјотреси.
Оваа идеја повторно стана актуелна откако на јапонските плажи беа пронајдени 20-тина вакви риби по разорниот земјотрес во 2011 година, пишува Гардијан.
Сепак, јапонските истражувачи спроведоа студија во 2019 година која откри дека не постои врска помеѓу појавата на овој вид риба и земјотресите.
