Настанот претставуваше дел од националните активности за одбележување на овој значаен јазичен и културен јубилеј, кој ја нагласува историската важност на 1945 година кога македонскиот јазик беше официјално стандардизиран.
На промоцијата свое обраќање имаше и министерот за култура и туризам, Зоран Љутков, кој истакна дека кодификацијата на македонскиот јазик претставува темел на македонскиот културен и национален идентитет. Тој ја поздрави иницијативата на Поштата на Северна Македонија за издавање на оваа марка како симболично признание за историската и современата вредност на македонскиот јазик.
