Обединетите нации проценуваат дека од почетокот на војната во Украина, околу 13.000 цивили биле убиени. Ова го соопшти координаторот на ОН за хуманитарна помош, Том Флечер, пред Советот за безбедност на ОН во вторник. Според податоците на Канцеларијата на високиот комесар за човекови права (OHCHR), потврдени се најмалку 12.910 смртни случаи на цивили, вклучувајќи 682 деца.
Меѓу 24 февруари 2022 и 31 март 2025, речиси 30.700 цивили се повредени. Само од крајот на февруари до крајот на март, повеќе од 170 цивили биле убиени.
Флеччер нагласи дека вистинските броеви веројатно ќе бидат многу поголеми.
„Не само што не се залагаме за почитување на меѓународното право, туку понекогаш го поддржуваме неговото нарушување“, изјави Флечер.
Тој додаде дека ова нарушување на меѓународното право се случува и во други конфликти низ светот.
„Ова е заедничка нит која ги поврзува овие конфликти. Ако вашите принципи се однесуваат само на вашите противници, тогаш тие не се хуманитарни принципи“, истакна Флечер.
