Министерството за здравство објави јавна набавка за нови амбулантни возила со надградена медицинска опрема, кои ќе бидат распределени во јавните здравствени установи.
Министерството за здравство објави јавна набавка за 100 нови амбулантни возила со надградена медицинска опрема, соопшти министерот за здравство Азир Алиу.
Инвестицијата е вредна 461.250.000 денари, а во тек е законскиот рок за поднесување понуди од заинтересираните компании.
Според Алиу, новите возила треба да го подобрат капацитетот на здравствениот систем за одговор при итни состојби и да овозможат побрза и поефикасна интервенција.
„Набавката на 100 нови амбулантни возила значително ќе го унапреди капацитетот на здравствениот систем за одговор при итни состојби и ќе овозможи побрза и поефикасна интервенција со брз и навремен транспорт на пациенти до соодветните здравствени установи“, изјави Алиу.
Тој посочи дека возилата ќе бидат опремени со современа медицинска опрема, а нивната распределба треба да овозможи подобра покриеност на територијата, со посебен акцент на руралните средини.
Набавката е дел од поширок процес на модернизација на итната медицинска помош и јакнење на здравствениот систем, со цел побрз и поефикасен одговор во кризни ситуации.
