Доколку продавате половен автомобил, сигурно знаете дека треба да обрнете внимание на многу работи, но она што веројатно не сте го знаеле е дека автомобилите со одередена боја се продаваат полесно од останатите…
Изборот на бојата на автомобилот обично е едноставен чекор во процесот на купување. При изборот на нов автомобил најчесто ја избирате вашата омилена боја, додека при купувањето на половен автомобил обично се одлучувате за некоја од достапните опции. Белата боја не секогаш е првиот избор, но таа е популарна поради нејзината неутралност и ниска цена. На пример, во некои земји на ЕУ процентот на продадени бели автомобили во 2001 година бил помеѓу 8 и 10 проценти. Веќе во 2010 година пораснал на скоро една четвртина, а во 2020 година повеќе од половина од продадените нови возила биле бели, пишува El Pais.
Ако купувачот не е сигурен која нијанса да ја избере, веројатно ќе се одлучи за бел автомобил. Без разлика на нејзината неутралност, белата има предности и недостатоци кои треба да се земат предвид. Визуелниот аспект е еден од главните причини за изборот на бело возило, пишува Jutarnji.hr.
Некои возила изгледаат поелегантно во оваа нијанса, додека други можат да изгледаат поедноставно. Фактори како што се тркалата и деталите во дизајнот можат да влијаат на перцепцијата на стилот. Во случајот со белата, важно е да се внимава на комбинацијата на браникот и други надворешни елементи кои не одговараат на бојата на каросеријата. Вредноста на препродавање е уште еден фактор што треба да се земе во предвид. Иако посветлите бои како розова или жолта можат да ја намалат побарувачката, белата ја задржува солидната вредност на пазарот на половни автомобили.
Иако нема секогаш да има голема разлика во цената при препродавање, белата се доживува како сигурен и доверлив избор за потенцијалните купувачи. Друга причина за размислување да се купи бел автомобил е неговата цена. Во многу случаи, основната бела боја е вклучена без дополнителни трошоци за новите модели, што ја прави поекономична опција.
Меѓутоа, нијанси како бисерна, мат или металик бела можат да предизвикаат дополнителни трошоци. Изборот на стандардна бела боја може да биде добра опција за оние кои сакаат да заштедат при почетната куповина. Предноста на белиот автомобил е тоа што подобро ги крие гребнатините и несовршеностите за разлика од темните варијанти.
Иако полесно ја покажува нечистотијата, особено зиме, ова е прифатлива опција ако се одржува чиста. Наспроти тоа, црната боја подобро ја крие нечистотијата, но секоја мала гренатина е видлива, па белата нуди одлична рамнотежа помеѓу чистотата и визуелната истрошеност.
Конечно, бела боја е популарен избор меѓу компаниите за производство на флоти на возила поради нејзината неутралност и леснотијата на препродавање. Иако ви овозможува да се стопите со масата, тоа е помалку истакнат избор за оние кои сакаат да се истакнат со својот автомобил. Сигурно сте забележале дека повеќето доставни возила се бели и за тоа мора да постои причина. Тие се подложни на оштетувања, а белата нуди комбинација на економичност, функционалност и естетика, иако не е секогаш најлична или најимпресивна опција.
