Соочен со низа потешкотии, вклучувајќи сообраќајни гужви и одрони на почвата во главниот град Техеран, Иран размислува за драстично решение, преместување на престолнината на нова локација на Оманскиот залив.
Иако идејата за преместување на главниот град неколку пати се појавуваше по Исламската револуција 1979 година, предлозите беа брзо одбиени како нереални поради огромните финансиски и логистички пречки.
Но, реформаторскиот претседател Масуд Пезешкиан, кој ја презеде функцијата во јули, неодамна ја оживеа идејата, истакнувајќи ги се поголемите предизвици во Техеран.
Тие вклучуваат сообраќајни гужви, недостиг на вода, лошо управување со ресурсите, исклучително загадување на воздухот и слегување, односно постепено пропаѓање на почвата поради природни процеси или човечка активност.
Претставничката на владата, Фатеме Моахериани, изјави дека властите го разгледуваат можноста за преместување.
„Регионата Макран сериозно се разгледува“, додаде таа, но не пружи никаков временски рок, пренесува Хина, повикувајќи се на АФП.
Макран е претежно неразвиен крајбрежен регион на Оманскиот залив во сиромашната јужна провинција Систан и Балучистан, како и во делот на соседната провинција Хормозган.
Оживувањето на плановите за промена на локацијата ја врати и дебатата за нивната неопходност, при што многумина го истакнуваат историското и стратешкото значење на Техеран.
Техеран, кој го прогласи за престолнина Ага Мухамад Кан Кадар во 1786 година, повеќе од два века служи како политички, административен и културен центар на земјата. Во провинцијата Техеран моментално живеат околу 18 милиони луѓе, како и два милиони кои секојдневно патуваат таму на работа, според изјавата на гувернерот.
