Иран објави снимки од уништени американски летала, тврдејќи дека четири летала биле соборени за време на операција за спасување на пилот. Според иранските државни медиуми, станува збор за два транспортни авиони C-130 Hercules и два хеликоптери UH-60 Black Hawk, чии остатоци биле пронајдени јужно од градот Исфахан.
Сепак, западните извори изнесуваат поинаква верзија. Според информации на The Wall Street Journal, американските сили биле принудени самите да уништат дел од своите летала поради технички проблеми за време на мисијата.
Слични тврдења објавија и Reuters и Associated Press, наведувајќи дека најмалку едно летало било изгубено поради дефект, додека други биле намерно уништени за да не паднат во непријателски раце.
Американскиот претседател Доналд Трамп изјави дека операцијата била успешна и дека нема американски жртви, но не даде детали за евентуалните загуби на летала. Во моментов останува нејасно дали леталата за кои зборува Иран се истите што, според западните извори, биле уништени од самите американски сили, а независна потврда за настаните сè уште нема.
