Обединетите Арапски Емирати објавија дека од почетокот на американско-израелскиот конфликт со Иран, кон нивна територија се лансирани 186 ракети, соопшти денес Министерството за одбрана на земјата.
Портпаролот на министерството, бригаден генерал Абдул Насер Мохамед Ал-Хумаиди, изјави дека само една ракета паднала на територијата на ОАЕ. Противвоздушната одбрана пресретнала 172 ракети, додека 13 паднале во морето.
ОАЕ, исто така, открија 812 ирански дронови кои се движеа кон земјата, од кои 57 паднаа на територијата на Емиратите. Останатите 755 дронови беа пресретнати од воздушната одбрана. Покрај тоа, беа откриени и уништени осум крстосувачки ракети.
Три лица се убиени во ОАЕ од почетокот на конфликтот. Имаше 68 случаи на полесни повреди и мала до умерена штета на цивилни објекти, рече портпаролот.
