Цените на бензините од ноќеска се намалуваат за пет денари по литар, додека дизелот ја задржува досегашната цена, одлучи Регулаторната комисија за енергетика (РКЕ). Новите максимални цени ќе важат од 00:01 часот на 27 октомври.

ЕУРОСУПЕР БС-95 ќе се продава за најмногу 91 денар за литар, а ЕУРОСУПЕР БС-98 за 93 денари. Цената на ЕУРОДИЗЕЛ останува 99 денари за литар.

Екстра лесното масло за домаќинство поевтинува за половина денар и ќе чини 110 денари за литар. Мазутот, пак, поскапува за 0,694 денари и неговата нова максимална цена ќе изнесува 54,273 денари за килограм.

Според РКЕ, малопродажните цени на нафтените деривати се намалуваат во просек за 1,89 отсто во однос на одлуката од 19 октомври. Во пресметковниот период референтните цени на бензините на светскиот пазар паднале во просек за 8,12 отсто, додека кај дизелот е забележан раст од 0,404 отсто.

Во новата пресметка се применети намалената стапка на ДДВ од 10 отсто за дизелот и намалувањето на акцизата за четири денари по литар кај двата бензина и дизелот.

Од РКЕ потсетија дека утврдените цени се максимални, а трговците можат да ги продаваат горивата и по пониски цени. 26102026 Соопштение за јавност_…