Знаеме дека во Холивуд има и големи пријателства но и големи кавги што траат со години. Понекогаш испливуваат и такви за кои досега не сме знаел.
Како онаа помеѓу Стивен Спилберг и Бен Афлек, за која дознаваме од интервјуто со Мајк Биндер за подкастот „One Bad Movie“.
Биндер вели дека Спилберг бил многу импресиониран од својот филм „The Upside of Anger“ и го контактирал за да работат заедно. Идејата била Биндер да напише сценарио за филм што Стивен Спилберг или ќе го режира или ќе го продуцира.
Тој го напишал „Man About Town“ (2006) со идеја дека Спилберг ќе го режира, а неговото студио „DreamWorks“ ќе го продуцира. Сепак, на крајот, Стивен Спилберг му ја предаде режисерската палка на самиот Мајк Биндер.
Потоа Биндер се сретна со Бен Афлек, кој исто така беше импресиониран од неговата работа и побара да работат заедно. Дури и се ракуваа. Но, Спилберг не беше задоволен. Му рече на Биндер дека не може да му дозволи да го ангажира Афлек.
Од неколку причини. Едната е поради неуспехот на двата претходни филма на актерот, а другата е големата врева поради раскинувањето со Џенифер Лопез.
Но, има и трета – лична причина. Неофицијално се говори дека пред некое време синот на Спилберг го турнал Афлек во базен на пријателско собирање. Актерот наводно многу се налутил и му ја вратил „услугата“ на детето. Ваквиот однос на Афлек го вознемирило детето на Спилберг кој почнало да плаче. Ваквата ситуација воопшто не му се допаднало на Стивен Спилберг.
Биндер сепак инсистираше Бен Афлек да биде во главната улога и Спилберг не се спротивстави по втор пат. Но, веќе следниот ден, DreamWorks го отфрли филмот.
Од далечината на годините, Мајк Биндер признава дека „Man About Town“ не вреди, но само поради неговата режија, затоа што тој смета дека Афлек ја одиграл својата улога многу добро.
