Пред светските лидери, носители на одлуки, научници и здравствени експерти, таа говореше за последиците од долготрајниот ковид кај децата и потребата од инфраструктура која обезбедува чист воздух, пренесува ABC News.
Носејќи маска N95, Вајлет изјавила: „Јас претставувам генерација која на многу начини веќе знае како сме изневерени. Ни велат дека ние сме иднината. Но кога станува збор за пандемијата која сè уште трае, нашата сегашност ни се краде пред очи.“
Таа додаде: „Младите немаа вистински избор ниту доволно информации за тоа што се одлучува во наше име.“
Во мај 2025, во списанието JAMA Pediatrics беше објавено дека долготрајниот ковид ги погодува 10 до 20 проценти од децата кои го преживеале вирусот. Симптомите можат да траат најмалку три месеци, а кај некои деца не исчезнуваат, или се јавуваат нови по одреден период.
Во својот говор, Вајлет изјавила: „Ме ужаснува мислата дека децата не знаат или наскоро нема да знаат свет без болка и исцрпеност, дека не можат да му веруваат на своето тело да игра, истражува и сонува, и дека нема да го запознаат својот потенцијал затоа што ги сопира когнитивното оштетување предизвикано од ковидот“. Таа додала: „Разлутена сум во нивно име.“
Таа потоа повика на воведување правила за чист воздух: „Можеме да го признаеме филтрираниот воздух како човеково право, исто толку интуитивно како што го признаеме филтрираниот вода. Можеме да создадеме инфраструктура за чист воздух која ќе биде толку распространета и очигледно неопходна, што децата на иднината нема ни да знаат зошто ни беше потребен.“
Вајлет Афлек се јавувала и порано јавноста по прашањето за ковидот и правилата за чист воздух. Во јули 2024, говорела на состанокот на Одборот на надзорници на округот Лос Анџелес против забраните за носење маски и застапувала филтрација на воздухот и примената на UVC светло во јавни институции, вклучувајќи затвори и притворски центри, како и за задолжителни маски во болници.
Во мај оваа година, нејзиниот академски труд „Хронично болна Земја: Организирање околу ковидот како модел на одговор на климатските промени во Лос Анџелес“ беше објавен во Yale Global Health Review. Во текстот, таа го споредува своето искуство во пожарите во Лос Анџелес во јануари со одговорите на пандемијата и реакциите на климатските промени.
Извор: N1info.rs
