Редфорд е роден на 18 август 1936 година во Санта Моника, Калифорнија. Тој беше еден од најзначајните американски актери и режисери од втората половина на 20. век, а јавноста го памети и како основач на филмскиот фестивал „Санденс“, кој стана клучна платформа за независен филм.
Во средно училиште Редфорд се истакнувал во бејзболот, за што добил стипендија за Универзитетот во Колорадо. Сепак, поради несоодветно однесување ја изгубил стипендијата и продолжил со студии на сликарство во Бруклин, а потоа и во Европа. По враќањето во Њујорк, започнал часови по театарски дизајн и истовремено добивал мали улоги во телевизиски серии. Во 1962 година бил номиниран за награда Еми за најдобар спореден актер.
Неговиот пробив во Холивуд дојде со улогата во „Буч Касиди и Санденс Кид“, каде што го играл заедно со Пол Њумен. По овој филм, Редфорд станува еден од најпопуларните актери, а неговата кариера продолжува со култни остварувања како „Три дена на Кондор“, „Сви претседатели“, „Големиот Гетсби“ и други.
Покрај актерската кариера, Редфорд инвестирал во сопствени проекти, вклучувајќи го ски центарот „Санденс“ и Санденс филмскиот фестивал, кој стана платформа за многу познати режисери како Квентин Тарантино и Дарен Аронофски.
Во 1980 година го режирал својот прв филм „Обични луѓе“, кој веднаш му донел признание од Американската академија за режија. Подоцна, комбинирал режија, продукција и актерство во бројни филмови.
Редфорд водел мирен приватен живот, бил во брак со Лола ван Вагнер 27 години, а од 2009 година е во брак со германската сликарка Сибил Заргас.
Роберт Редфорд останува запаметен како холивудска икона, иноватор во независниот филм и личност која остави неизбришлива трага во светската кинематографија.
Извор: N1info.rs
