Во Тетово е пријавен необичен случај во кој 27‑годишна жена, која на службените регистрационни евиденции се водела како почината уште од 21 октомври 2006 година, родила женско дете на 8 декември 2025 година во Клиничка болница. Ова откритие било направено при обидот за регистрација на новороденчето, што предизвикало сомнеж за можни фалсификувани документи и противправно водење на службени записи.
По добиените информации, на 12 февруари 2026 година, лицето се појавило заедно со бебето и уште едно машко лице во Центарот за социјални работи, но не приложило документи за идентификација. Институциите најавија дека преземаат дополнителни мерки за целосно расветлување на случајот, утврдување на точните околности и документација на случајот, со што ќе се реши дали се работи за кривично дело фалсификување исправа.
