Следната рунда преговори меѓу Русија и Украина, на кои посредуваат САД, е договорена да се одржи следната недела во Абудаби, објави американски официјален извор.
Ова следи по првите директни разговори меѓу руските, украинските и американските делегации, оценети како „конструктивни“, и покрај тоа што не беше постигнат конечен мировен договор. Во официјалните изјави беше нагласено дека размената на идеи и ставови ќе продолжи со цел да се постигне напредок кон завршување на војната.
Украинскиот претседател Володимир Зеленски ја опиша рундата како продуктивна и изјави дека дискусиите се одвивале „со многу почит“ меѓу страните, со надеж дека следните состаноци ќе помогнат да се приближат позиции за преку тоа да се клучат повеќе детали од потенцијален мировен договор.
Третиот круг на преговори е договорен во услови кога војната продолжува на бојното поле. Дури и додека преговарачите седат на маса, конфликтот остава тежок траг на теренот: руските сили продолжуваат со ракетни и дронски напади врз цивилна инфраструктура во Украина, предизвикувајќи штети и прекини на снабдувањето со електрична енергија, што дополнително ја комплицира ситуацијата и додека траат дипломатските напори.
Договорената рунда преговори е дел од пошироки дипломатски напори што вклучуваат и други меѓународни актери, но клучните разлики околу територијалните прашања, особено статусот на регионот Донбас, остануваат нерешени.
