Францускиот министер за одбрана Себастиен Лекорни денеска даде изјава во која тврди дека руски борбен авион СУ-35 извршил заканувачки маневар во меѓународниот воздушен простор над источниот Медитеран кон француски беспилотно летало Reaper кое било ангажирано во мисија за набљудување.
Овој инцидент се случи во време кога европските земји се обидуваат да ги зголемат трошоците за одбрана и да дадат поголема поддршка за Украина, пренесува Ројтерс.
„Руски авион направи три последователни прелета во непосредна близина на француски беспилотно летало, што можеше да предизвика губење на контролата врз леталото. Овој маневар на рускиот борбен авион се чини дека ја одразува желбата да се ограничи слободното движење во меѓународниот воздушен простор“, објави Лекорни на својот профил X, опишувајќи го инцидентот како „неприфатлива руска акција и намерна акција“.
Ле Корни нагласи дека Франција ќе продолжи да дејствува за да го брани „слободното движење низ меѓународниот воздушен и поморски простор“.
