Српскиот претседател Александар Вучиќ изјави дека српските единици пронашле експлозиви со разорна моќ и фитили потребни за нивно активирање во близина на гасната инфраструктура што ги поврзува Србија и Унгарија.
„Тукушто го завршив телефонскиот разговор со унгарскиот премиер Виктор Орбан, во кој го информирав за првите резултати од истрагата на нашите воени и полициски власти во врска со заканата за критичната гасна инфраструктура што ги поврзува Србија и Унгарија“, напиша Вучиќ на Инстаграм.
Му кажав на премиерот Орбан дека ќе го известуваме за понатамошниот тек на истрагата“, рече Вучиќ.
Тој рече дека два големи пакети со експлозиви и фитили биле пронајдени недалеку од населбата Велебит, во близина на гасоводот „Балкански тек“.
„Секако, ова многу менува во нашите односи. Буквално ја браниме компресорската станица како Крагуевац и Ниш, за да не може да прелета ниту птица. Ова се случи во северна Војводина и се надевам дека ќе ги отстранат експлозивите без жртви или трагични последици“, рече Вучиќ.
Вучиќ рече дека постојат индиции за сето ова, но дека нема да навлегува во понатамошни детали.
Тој рече дека безмилосно ќе се справи со секој за кого верува дека ја загрозува виталната инфраструктура на Србија.
