Врховниот суд на САД одлучи дека контроверзната забрана на TikTok може да стапи на сила овој викенд, и ја отфрли жалбата на сопствениците на популарната апликација кои тврдеа дека забраната го прекршила Првиот амандман.
Одлуката, која следи по предупредувањето на администрацијата на Бајден дека TikTok претставува „сериозна“ закана за националната безбедност поради врските со Кина, ќе овозможи забраната да започне во недела.
Но, постојат многу прашања околу тоа како ќе функционира забраната во пракса, бидејќи нема преседан за тоа како американската влада може да блокира голема платформа за социјални медиуми.
Во своето мислење, Врховниот суд призна дека за 170 милиони Американци, TikTok нуди „посебен и експанзивен простор за изразување, ангажирање и комуникација“.
Меѓутоа, судот рекол дека Конгресот бил фокусиран на загриженоста околу националната безбедност и тоа било одлучувачки фактор при донесувањето на одлуката.
