Револтот на товарните превозници од Балканот отиде чекор понатаму. На вториот ден од протестот – тие ги блокираа и граничните премини на излезот од Европската Унија. На граничниот премин Бајаково – Батровци, почна да се формира колона камиони.
Утрото на границата со Хрватска беше пречекано од возачите со двојна блокада.
Камионите повеќе не можат да поминат во или надвор од Европската Унија. Транспортерите што пристигнаа во Бајаково се заглавија во меѓупросторот.
На излезот од Хрватска во текот на попладневните часови, камионите сè уште можеа да поминат непречено, но не стигнаа далеку бидејќи на српската страна од границата ги чекаат блокади.
Возачите од Балканот протестираат поради регулативите во рамките на Шенген. За 180 дена, само 90 можат да останат на почвата на Европската Унија.
Тие го снабдуваат европскиот пазар со стоката што ја транспортираат, но Европа, велат тие, не се однесува кон нив како кон работници.
Како што одминуваше денот, колоната од српската страна стануваше поголема и се приближуваше кон Хрватска. Во среда, таа би можела да се прошири и на хрватската страна.
Транспортерите, кои протестираат ги пропуштаат само камионите со лекови, живи животни и оружје. Тие најавија дека блокадите, ќе траат најмалку 7 дена.
