Денеска во Паркот на Франкофонија, Градски парк Скопје со почеток во 10 часот ќе се одржи „ПефФест 2025“. Настанот се одржува под мотото „Пријателство без зборови – Човек и миленик“, а влезот е слободен.
На денешниот „ПетФест 2025“ учествуваат докажани професионалци од сите сфери на милениците од сите градови од Македонија и од соседството. Пет индустријата ќе ги прикаже своите достигнувања во ветеринарната медицина и фармакологија, европски и светски кинолошки шампиони, службени кучиња од единицата на МВР К9, дресура на млади кучиња, хендлинг професори, стилисти за миленици, дегустација на храна и на сокови за кучиња, добитници на награди со мачки, соколари и одгледувачи на големи папагали, автохтони македонски раси македонски паничар, шарпланинец и караман, зоолошка градина на средното ветеринарно училиште …
Целосниот настан е исполнет со многу изненадувања како Забавни игри и активности за миленичиња, Едукативни работилници за деца и возрасни, Награди на натпревари: Look alike, Најдремко, Опасен поглед, Изложбена Пет Арт Галерија и детско ликовно катче, Food Corner (храна и пијалоци) …
Од организацијата упатуваат повика да се почитува куќниот ред на настанот : милениците да се држат на поводник, сопствениците да си понесат ќесички за да исчистат после нив, и сите кучиња да бидат чипирани и вакцинирани …
