Пангасиусот се одгледува во реката Меконг, каде што секојдневно се испуштаат отпадни води од фабрики за кожа и хемикалии, канализацискиот систем е неуреден, а блиските земјоделски површини дополнително ја загадуваат водата со пестициди и вештачки ѓубрива. Ова загадување директно влијае на квалитетот на месото на рибата.
Покрај тоа што е сиромашен со здрави омега-3 масни киселини, пангасиусот содржи високо ниво на омега-6 масти кои можат да предизвикаат воспалителни процеси во телото. Често се откриваат траги од антибиотици и пестициди во неговото месо, што дополнително го прави несоодветен за редовна консумација.
Слични сомнежи се поврзуваат и со рибата позната како нилски гргеќ, која потекнува од тропски води. Иако се смета за квалитетна риба, истражувањата покажуваат дека нејзиното месо може да содржи олово и други тешки метали, особено доколку потекнува од загадени води.
За да се избегнат ризиците, експертите препорачуваат избор на риби од проверени извори и почисти води. Меѓу поздравите алтернативи се дивиот лосос, кој е богат со омега-3 масни киселини и витамини D и B12, но треба да се внимава да не е од вештачки одгледување. Скушата е уште една хранлива опција, богата со омега-3 и погодна за скара или печење. Сардините, покрај тоа што се евтини и лесно достапни, се хранливи и не акумулираат тешки метали. Пастрмката, особено ако е од планински потоци или контролирани рибници, е нискокалорична и богата со хранливи материи. Осличот е лесна, немасна риба со нежен вкус, погодна за деца и оние кои не сакаат интензивен „рибен“ вкус. Бакаларот, пак, е богат со протеини, а сиромашен со масти, па често се избира во здрави диети и за време на пости.
При купување риба, важно е да се внимава на потеклото. Се препорачува избор на риба со ознака за потекло и сертификати за квалитет, како што е MSC (Marine Stewardship Council). Треба да се избегнува увозна риба без јасна декларација, а секогаш е неопходна темелна термичка обработка, особено ако рибата потекнува од тропски и увозни води.
Информираноста и вниманието при изборот на риба се клучни за заштита на здравјето. Не секоја риба на полицата е безбедна или квалитетна за консумација.
