Во последната анкета на „Внимание“, ги прашавме граѓаните кој беше најзначаен настан во светот во 2025 година. Еве што ни кажаа: „Протестите на студентите во Србија, затоа што покажаа дека и студентите и младите можат да имаат збор во општеството…“, „Протестите во Србија, и на Балканот воопшто, и во Бугарија, дека се еден вид на моќ што може да направи еден народ, за некаква промена да дојде од тоа…“, „Трамп кога го кандидираа за претседател…“.
А еве што велат граѓаните кој беше најзначаен настан годинава кај нас, во Македонија: „Кочани, пожарот во Кочани…“, „Трагедијата во Кочани, дефинитивно“, „За жал тажен настан, тоа во Кочани…“, „Искрено, акцијата за Кочани што беше, донациите…“, „Сапорт Кочани, бидејќи тоа е настанот што едноставно, не може така лесно да се заборави…“.
Ги прашавме граѓаните и за кого би гласале за личност на годината во светот и во Македонија. Граѓаните ни дадоа мошне интересни одговори, кои може да ги видите во последната епизода на „Внимание“ годинава.
Ние издвојуваме само еден: „Херојот Костадинов Јован од Виница кој што помогна и спаси многу други деца…“.
Се гледаме догодина и среќни празници ви посакува целата екипа на „Внимание“.
