На скијалиштето Астун во Шпанија се случи инцидент откако жичарата се урна на ски стазата.
Како што јавуваат локалните медиуми, десетици лица се повредени. Инцидентот се случил на скијалиштето Астун, кое се наоѓа на шпанската граница со Франција во Пиринеите. Во инцидентот се повредени најмалку 30 луѓе. Девет од нив се многу тешко повредени, а осум се тешко повредени, пренесуваат локалните медиуми.
Причината за несреќата е засега непозната. Слики и видеа кои се шират на социјалните мрежи покажуваат луѓе кои лежат на земјата во близина на ски лифтот. Исто така, е забележано како хеликоптер слетува во одморалиштето.
Шпанскиот премиер Педро Санчез изјави дека бил “шокиран од вестите за несреќата”.
