Ова го покажува најновиот извештај на Меѓународната организација на трудот (МОТ) при Обединетите нации.
Според извештајот, околу 9,6 проценти од занимањата што најчесто ги извршуваат жени и 3,5 проценти од машките занимања ќе бидат трансформирани под влијание на ВИ – главно во административниот и канцеларискиот сектор.
Иако човечкото учество и понатаму ќе биде клучно во извршувањето на многу задачи, природата на самите работни места значително ќе се измени, наместо целосно да исчезнат, се наведува во извештајот.
Занимањата во медиумите, софтверската индустрија и финансискиот сектор исто така се високо изложени на влијание од ВИ, која континуирано ги унапредува своите когнитивни способности.
„Нагласуваме дека оваа изложеност на вештачка интелигенција не значи непосредна и целосна автоматизација на целите професии, туку укажува на потенцијалот за прераспределба на задачите преку употреба на оваа технологија“, стои во извештајот.
Обединетите нации ги повикуваат владите, како и здруженијата на работодавачи и работници, да разгледаат начини на кои вештачката интелигенција може да се користи за зголемување на продуктивноста и квалитетот на работата, а притоа да се зачуваат работните места и да се намали нееднаквоста.
Извор: N1info.rs
