Фустанот што го носеше принцезата Дијана во 1985 година беше продаден на аукција за вкупна цена од 1,1 милион долари, што е 11 пати повисока од проценетата сума.
Вечерниот фустан беше продаден на Julien’s Auctions во Холивуд за 1.148.080 долари (2.057.390 KM), соборувајќи го новиот рекорд како најскап фустан продаден на аукција, што го носеше принцезата Дијана. Од друга страна проценките беа дека фустанот ќе се продаде за 100.000 долари.
Инаку, овој краток фустан се одликува со кадифеен горен дел со извезени детали и влошки за рамениците. Долниот дел се состои од сино здолниште, машна и ремен кои се направени од органза.
Колекционерскиот предмет е изработен од ткаенина на светски познатиот трговец со текстил Јакоб Шлаефер.
Принцезата Дијана првпат го носеше фустанот во Фиренца, Италија во 1985 година на вечера додека беше на кралска турнеја со нејзиниот тогашен сопруг Чарлс, и повторно за симфонискиот оркестар на Ванкувер во 1986 година.
Претходно, најскапиот фустан што го носеше Дијана и беше продаден на аукција беше кадифениот фустан на Виктор Еделштајн од 1991 година, кој беше продаден во јануари за 604.800 долари (околу 1,1 милион КМ).
Извор: klix.ba
