Студентите во блокада ги повикаа граѓаните да им се придружат на протестот во недела, на 12. јануари, пред Уставниот суд во Белград.
„Ние, студенти во блокада, повикуваме да се придружите на протестот в недела, 12 јануари во 16 часот пред Уставниот суд и да ни ја дадете вашата поддршка. Во последните недели сведочевме на прекршување на Уставот и поради тоа решивме се симболично да се собереме пред зградата на Уставниот суд и да ја изразиме нашата незадоволство“, се вели во соопштението на студентите.
Тие додадоа дека прекршувањето на Уставот ги загрозува правата на сите граѓани, и дека со слоганот „Важно е да имаш (у)став“ сакаат да испратат гласна порака до народот дека „Уставот (не) ве штити“.
„Иако можеме да избереме било кој ден за протест, решивме да тоа биде точно недела, за да можете и вие, работници, да ни се придружите. Фактот што работниците на Уставниот суд тогаш исто така нема да бидат во зградата не го намалува значењето на нашата акција – Уставот важи секој ден и затоа е важно секој момент да се потсетуваме на нашите права кои се загарантирани со него“, се вели во соопштението.
Студентите повикаа и синдикати да се придружат на протестот, додавајќи дека се оградуваат од делувањето на сите политички партии и организации.
