Сигналите за чад за изборот на папа се подготвени. Вработените во Ватикан во петокот поставија оџак на покривот на Сикстинска капела, кој ќе се користи за палење на гласачките ливчиња за конклавата што ќе избере наследник на папата Франциск.
Тајниот состанок започнува на 7 мај, при што кардинали кои се во изолација ќе го користат оџакот за да му кажат на надворешниот свет дали избрале нов водач на Католичката црква, која брои 1,4 милијарди верници.
Црниот чад означува дека нема одлука, додека белиот чад ќе означува дека е избран 267-миот папа.
Работниците закачија цевка над теракотните ќерамиди на покривот на Сикстинската капела од 15 век, која е позната по фреските од Микеланџело.
Оџакот е јасно видлив од блискиот плоштад „Свети Петар“, каде што се очекува илјадници луѓе да се соберат за време на конклавата за да видат како напредува тајното гласање.
Франциск, кој почина на 21 април, беше папа од 2013 година и беше првиот понтиф од Америките. Се очекува околу 133 кардинали, од кои околу 80% се назначени од Франциск, да гласаат за неговиот наследник.
Последните два конклави, одржани во 2005 и 2013 година, завршија до крајот на вториот ден од гласањето.
