Мерил Стрип оствари импресивни улоги во филмовите како што се “Крамер против Крамера”, “Мостови на округот Медисон” и “Ѓаволот носи Прада”, и нејзината кариера е украсена со камелеонска способност да се вклопи во секоја продукција.
Меѓутоа, како и многу холивудски глумци, своите почетоци ги поврзува со театарската сцена, а „27 вагони полни памук“ и „Сеќавање на два понеделника“ ѝ донеле номинација за Тони, пренесува Far Out магазин.
Иако овој дел од кариерата често се романтизира, Мерил Стрип подоцна говорела за реалноста на животот на даските кои живот значат и улогата на големиот екран која ја променила нејзината кариера.
Стрип истакнала какви биле предизвиците на овој начин на живот и како се тоа променило по нејзината прва улога во играниот филм, велејќи:
„Глумата за мене никогаш не била агонија. Не ги разбирам луѓето кои ја гледаат така, бидејќи сметам дека сме многу привилегирани што сме глумци. Кога започнуваш во театарот, не изгледа како да ќе станеш познат. Кога ме повикаа за филмот ‘Џулија’ со Џејн Фонда и Ванеса Редгрејв, тоа беше квантен скок, од бродвејската минимална плата од 235 долари неделно, на 2.000 долари. Просто не можев да верувам“, раскажала таа.
„Џулија“, во режија на Фред Синеман, ја носи приказната за писателката Лилијан Хелман и нејзината врска со Џулија, девојката која се бори против нацистите во Втората светска војна.
Со Џејн Фонда и Ванеса Редгрејв во главните улоги, филмот добил 11 номинации за Оскар, станувајќи првиот во низата наградувани филмови во кариерата на Мерил Стрип.
Таа продолжила да глуми во „Ловецот на елени“ веќе следната година, потоа во „Менхетн“, „Крамер против Крамера“ и „Софијино избор“… Остатокот е историја.
