Акцијата е спроведена во рамки на иницијативата на претседателот Володимир Зеленски „Bring Kids Back UA“, која има за цел да ги врати сите деца што Русија незаконски ги депортирала или присилно ги преместила од украинските територии, јавува The Kyiv Independent.
Потресни приказни од ослободените деца
Според изјавата на Андриј Јермак, шеф на кабинетот на украинскиот претседател, децата и тинејџерите биле изложени на различни форми на притисок и индоктринација од окупаторските власти.
Меѓу нив има 17-годишен момче кое без знаење на родителите било пратено во руски воен камп на обука за ракување со оружје и дронови. Друг тинејџер бил уапсен при претрес во неговиот дом, а потоа со денови испрашуван за своите роднини во украинската армија, додека на неговото семејство му се заканувале со одмазда.
Особено емотивен е случајот на 12-годишно девојче и нејзиниот 9-годишен брат, кои во училиштето секојдневно биле навредувани и физички малтретирани, слушајќи од наставниците и учениците дека „треба да бидат убиени затоа што се Украинци“. Во друг случај, баба и дедо криеле седумгодишен внук за да го спасат од присилна преселба во Русија.
Системска руска политика на индоктринација
Според нова истрага на Kyiv Independent, околу 1,6 милиони украински деца и натаму се наоѓаат на територии под руска контрола, каде што се одделени од украинскиот образовен систем и секојдневно изложени на руска пропаганда и воена обука.
Програмите за милитаризација на децата ги спроведуваат високи руски офицери преку Центарот за воено и патриотско образование „Воин“, основан во 2022 година по директна наредба на Владимир Путин.
Поддршка и меѓународен притисок
Паралелно со теренските операции, во Вашингтон се одржа Украински акциски самит, на кој беше повикано на засилен меѓународен ангажман за враќање на сите отепани деца.
„Нашата цел е да ги едуцираме луѓето и да ги охрабриме да им се обратат на своите политички претставници во поддршка на Украина,“ изјави Маријана Третјак, претседателка на Американската коалиција за Украина.
Во моментов, 17-те спасени деца се на безбедно во Украина, каде што добиваат медицинска и психолошка помош, како и поддршка при обновување на документите.
„Ќе продолжиме сè додека не ги вратиме сите украдени деца во своите домови,“ изјави Андриј Јермак, нагласувајќи дека оваа хуманитарна мисија останува еден од највисоките приоритети на украинската влада.
Извор: Index.hr
