Украинската противвоздушна одбрана (ПВО) соборила 100 руски дронови во текот на ноќта, соопштија утрово Воздухопловните сили на Оружените сили на Украина.
Во објава на Телеграм се наведува дека Русија лансирала вкупно 126 дронови кон украинска територија, пренесува Укринформ.
Според соопштението, руски ракети и дронови погодиле 14 локации во Украина. Дополнително, пад на фрагменти од соборени беспилотни летала е регистриран на три локации.
Нема дополнителни информации за евентуални жртви или материјална штета. Надлежните служби продолжуваат со проценка на последиците.
