Гувернерот на Република Удмуртија, во јужна Русија, утрово изјави дека украинските беспилотни летала оштетиле локација во неговиот регион.
„Едно место во Удмуртија беше нападнато со беспилотни летала. Како резултат на тоа, имаше штета и повредени“, рече гувернерот Александар Бречалов во видео објавено на Телеграм. Тој не даде детали за нападот, но ги повика жителите да не паничат и да не шират непотврдени информации.
Аеродромот во главниот град на Удмуртија, Ижевск, и аеродромите во околните региони ги прекинаа операциите, соопшти агенцијата за цивилно воздухопловство „Росавијација“.
Украинските блогови ја идентификуваа целта, руските канали ги потврдија експлозиите
Неофицијалните украински воени блогови објавија дека украинските сили нападнале фабрика за производство на руски ракети, вклучувајќи ракети со краток дострел „Искандер“ и интерконтинентални балистички ракети „Топол-М“, во Воткинск, град во Удмуртската Република, на околу 1.400 км од Украина.
Неофицијалниот руски Телеграм канал „Шот“, кој често цитира контакти во безбедносните служби, објави дека жителите на Воткинск рекле дека слушнале најмалку три експлозии и зуење на беспилотни летала.
Руските воени блогови, исто така, објавија за напад што предизвика пожар во фабрика за преработка на гас во југоисточниот руски град Самара.
